Bierbrood

Niks is beter as die reuk van ‘n eenvoudige, tuisgebakte brood uit jou eie kombuis nie – stomende brood met ‘n krakerige korsie, waarin die botter kan smelt soos jy dit smeer. Almal wat ek ken (wat nie sensitief is vir koolhidrate nie) is doodeenvoudig mal daaroor.

Nie almal het die moed om deeg aan te maak, te knie, te laat rys en te bak nie. Wel, hier is ‘n resep wat enigiemand kan maak wat met ‘n houtlepel kan roer, want dit hoef nie geknie te word òf te rys nie. Selfs my man Schalk (wat net kan toebroodjies maak en vleisbraai) kan hierdie brood maak. Roer, skep, bak. Die eindresultaat is soveel groter as die bietjie moeite en dis absoluut heerlik.

Bierbrood - die maklikste resep vir 'n stomende broodjie vir jou volgende braai sonder om eers jou hande vuil te maak.
Bierbrood – die maklikste resep vir ‘n stomende broodjie vir jou volgende braai sonder om eers jou hande vuil te maak. (Fotografie deur Nicola Pretorius)

Bestanddele: (lewer 1 standaard brood)

  • 500 g bruismeel
  • 5 ml (1 teelepel) sout
  • 1 1/2 standaard blik/bottel bier (ongeveer 500 ml)

Metode:

  1. Voorverhit jou oond tot 180 C en spuit/smeer ‘n standaard broodpannetjie met kleefwerende middel.
  2. Plaas die bruismeel, sout en bier in ‘n groot groot mengbak. Roer goed met ‘n houtlepel.
  3. Gooi die mengsel in die voorbereide broodpan en maak effens gelyk bo-op. Bak teen 180 C vir ongeveer 50-60 minute tot goudbruin.
  4. Verwyder uit die oond en keer om op ‘n draadrak of skoon vadoek. Laat effens afkoel (voor jy dit sny) en bedien dan warm.
Geniet jou bierbrood met botter, konfyt en kaas (fotografie en stilering deur Nicola Pretorius)
Geniet jou bierbrood met botter, konfyt en kaas (fotografie en stilering deur Nicola Pretorius)

Krediete:

Video vervaardig deur Skript.tv.

Draaiboek, aanbieding en resep: Ilse van der Merwe – Die Kos Vos

Handelsmerk- en stelbestuur: René Geustyn – the O. co

Stelstilering, kosstilering en fotografie: Nicola Pretorius – Lark Haus.

 

Print Friendly
Deel dit:

Baleia Ekstrasuiwer Olyfolie

Baleia-Extra-Virgin-Olive-Oil-500ml-LRDit is nie aldag dat jy verwag om ‘n premium wynproelokaal op die N2 anderkant Riversdal aan te tref nie. Wat nog te sê van ‘n ekstrasuiwer olyfolieprodusent? Wel, die span van Baleia is een van daai “moet ontdek” tipe produsente. Hulle maak fantastiese wyn, en hulle maak ewe fantastiese olyfolie.

Ek ken lankal reeds die reeks Baleia wyne, maar het onlangs eers hul premium olyfolie ontdek. Die nuwe 500ml bottel is ‘n versnit van Frantoio, Corantina, FS17 en Leccino. Die liggeel/groen kleur van die olie het die kenmerkende reuk van varsgesnyde gras, waarop die geure van groen tamaties, artisjokke, amandels en groen appels volg. Die olie het die klassieke karaktereienskappe van ‘n premium olyfolie – ‘n aangename peperagtige bitterheid en brandsensasie in jou keel nadat jy die olie gesluk het.

Die eerste olyfbome is op die plaas geplant in 2008. Die grond is blykbaar kalsiumryk en naby aan die kus – ideale omstandighede vir olyfbome. Organiese sowel as biologiese boermetodes word ingespan om die omgewing te respekteer en hulle trek die voordeel van ‘n Mediterreense klimaat. Baleia lewer ook vier verskillende geure tafelolywe: gewoon, chillie, knoffel en roosmaryn.

Besoek gerus Baleia se proelokaal buite Riversdal – hulle is tans die enigste wynprodusent in hul area en spesialiseer in Pinot Noir, Chardonnay en Tempranillo.

Kontak: GM en Wynmaker – Abraham de Klerk gm@baleiawines.com

Web: www.baleiawines.com

Tel: 028-713 1214

Print Friendly
Deel dit:

Nuwe proelokaal en MCC vir Babylonstoren

inside-the-tasting-room
Die nuwe proelokaal by Babylonstoren.

Babylonstoren is ‘n unieke landgoed op die Klapmuts Simondium pad. Alhoewel baie wynplase in die Boland deesdae spog met hul eie deli, spa en/of restaurant, is dit die asemrowende tuin wat jy met geen ander plek sou kon verwar nie. Dis ‘n lushof wat geen perke ken nie – ‘n plek waar jy met verwondering kan ontdek, verken en weer soos ‘n kind voel.

In Desember 2015 het Babylonstoren hul nuwe wynproelokaal en Sprankel MCC bekendgestel – ‘n feestelike affêre wat ek tot my misnoeë moes misloop. Ek het myself beloof om sommer gou in die nuwejaar daar ‘n draai te gooi, want Babylonstoren doen niks vervelig nie. Continue reading Nuwe proelokaal en MCC vir Babylonstoren

Print Friendly
Deel dit:

5 Fantastiese eetgewoontes vir 2016

Fotografie deur Tasha Seccombe.
Fotografie deur Tasha Seccombe.

Een van die mees gewilde nuwejaars resolusies wat mense elke jaar maak is om gewig te verloor. Ek het my badkamerskaal al meer as ‘n jaar gelede weggepak, want ek weet mos hoe my lyf in my klere wil voel. Daarom wil ek in 2016 daarop fokus om beter eetgewoontes aan te kweek (en steeds ver van ‘n skaal af weg te bly). Continue reading 5 Fantastiese eetgewoontes vir 2016

Print Friendly
Deel dit:

Top 10 wenke vir stresvrye feestyd onthaal

'n Kersmaal wat ek in vroeër in Desember met Woolworths se luukse reeks feestelike produkte tuis voorberei het. Stresloos! (#mywwchristmas)
‘n Kersmaal wat ek in vroeër in Desember met Woolworths se luukse reeks feestelike produkte tuis voorberei het. Stresloos! (#mywwchristmas)

Dis middel Desember. Of “silly season”, soos dit in die volksmond bekendstaan. Die winkels is vol flitsende liggies, blink Kersboomballe, groot stukke vleis en reuse pakke soutbeskuitjies.

Ek is uiteindelik in Keurboomstrand saam met my familie – die plek waar ek onwillekeurig afskakel en my hele wese herlaai. Net om die draai is Plettenbergbaai – die meer kommersiële byenes waar ons noodgedwonge elke nou en dan moet gaan inkopies doen. Continue reading Top 10 wenke vir stresvrye feestyd onthaal

Print Friendly
Deel dit: